قلبى تعب من قسوه البشر

فى موضوع انا شخصيا بتعب منه جدا وهو رمى القطط المنزليه اللى اصحابها بيزهقوا منها  فى الشارع 
 الموضوع ببساطه ان اى حد من باب الوجاهه او الدلع  بيشترى قط او قطه ويلعب بيه ويربيه ويتعود القط المسكين على بيت واكل ومكان امن يعيش فيه واصحاب افتكر ليهم قلب وعندهم وفاء بيحبوه وبيعتنوا بيه
لكن يا خساره القط ولا القطه  متعرفش ان اصحابها دول من البشر يعنى طبع الخيانه والقسوه فيهم واول ما القط المسكين تظهر عليه اى اعراض مرضيه او حتى سلوكيه او حتى يطالب بحقه انه يتزوج  ويصدر اى اصوات مزعجه او اى حركات متعجبش اصحابه اللى هما مفروض بشر بس اسما فقط  
النتيجه  اسرع واسهل قرار القط بره البيت يتفتح الباب وعلى بره  ويخرج القط المسكين لعالم ميعرفوش ميعرفش يعنى ايه شارع وعربيات وناس وزحمه واطفال فى منتهى القسوه وبشر خاليه من معنى الادميه والانسانيه   اللى يحدفه بطوبه واللى يشيله ويرميه من امتار  عشان يتسلوا اللى يربطه من رقابته واللى يخنقه واللى واللى واللى  وكل ده والقط مش فاهم  انا فين طيب فين صحابى فين مكانى طيب بلاش تاكلونى بس احمونى رجعونى لحضنكم تانى والله هبقى مطيع مش هتكلم ولا هنونو ..  بس  ارحمونى انا تعبان  اعمل ايه    كنتم سشبتونى من الاول فىالشارع  عشان اعرف اتعلم ازاى اعيش وازاى ادور على اكلى فى الزباله وازاى احمى نفسى  انا تعبان ارحمونى رجعونى   لبيتى ومكانى  انا بحبكم   انتم اهلى واصحابى    وبجد بحبكم ارحمونى من فضلكم 
الامضاء قط اترمى فى الشارع